8. Pakistan
Streek
Asië
Christelike bevolking
4 526 000 (1.8%)
Meederheidsgeloof
Islam
Vernaamste bedreigings
• Islamitiese onderdrukking
• Diktatoriale paranoia
• Stamonderdrukking
• Georganiseerde korrupsie en misdaad
Totale telling
87%
Druk
84.7%
Geweld
99.8%
Pakistan se berugte wetgewing oor Godslastering word dikwels gebruik om minderheidsgroepe te teiken, maar Christene word buitengewoon erg hierdeur geraak. Ongeveer ʼn kwart van alle aantygings oor Godslastering teiken Christene, wat slegs 1,8% van die bevolking uitmaak. Die straf vir Godslastering is die doodsvonnis. Alhoewel dit selde tot op hierdie punt kom, kan mense wat vir Godslastering aangekla word dikwels deur bendes aangeval of doodgemaak word.
Die aantal Christen-meisies (en meisies van ander minderheidsgelowe) wat ontvoer en mishandel word, groei elke dag. Hulle word deur geweld gedwing om hulle tot die Islam-geloof te bekeer en dit word dikwels deur die laer howe ondersteun. Kerke wat by uitreikbedienings betrokke is, word veral teëgestaan.
Al die Christene ly onder institusionele diskriminasie. Beroepe wat vir ʼn laer klas en as vuil en afbrekend beskou word – soos om rioolpype skoon te maak of in baksteenoonde te werk – word deur die owerhede vir Christene geoormerk. Daar word na baie van hierdie mense verwys as ʼn “chura”, ʼn neerhalende term wat “vuil” beteken. Christene is ook kwesbaar om in dwangarbeid vasgevang te word.
Bid vir
-
Vra dat God die besluitnemers in Pakistan se harte rakende wetgewing oor Godslastering sal verander.
-
Bid dat die Christene vreugde in hulle daaglikse lewens sal vind, wetende dat hulle nie in God se oë tweedeklasburgers is nie.
-
Vra dat God die Christen-vroue in Pakistan, wat gedwing word om met Moslems te trou, sal beskerm.